أنواع الكحة والأدوية المستخدمة فى علاج كل نوع


كلنا عارفين ان في حاجة في الصيدلية اسمها مضاد للسعال اوAntitussive وحاجه اسمها طارد للبلغم Expectorant وحاجه اسمها مذيب للبلغم Mucolytic
هنتعرف علي كل واحد علي حدة ...بس الاول لازم نعرف ان الكحه نوعين : -


النوع الاول
وهو الكحه الجافه غير المصحوبه ببلغم وده علاجه الوحيده هو مضادات السعال واللي بيغلط فيه معظم اللي شغالين في الصيدليات(من غير الصيادله عشان متزعلوش)...بيطلعوا اي دوا وخلاص ويفضل المريض يكح والدوا مبيجبش نتيجه لحد ما يفقد الثقه في العلاج وفي الصيدليه .وناس كتير شفتها فعلا فقدت الامل في الدوا بسبب خطا المعطي..وساعات المريض جي عايز العلبه اللي عليها المعلقه وبس..


طيب مضادات السعال دي بتشتغل ازاي: بتعمل علي تثبيط مركز الكحه اللي موجود في المخ .
الادوية المضاده للسعال:
Dextromethorphan , noscapine , oxeladine ,pholcodeine ,dihydrocodeine,pipazethate ,butamirate

ودي موجوده في السوق باسماء زي سيليجونselgon – كف كت cough cut -- توسكان tusskan

يبقي كحه جافه يعني العلاج مضاد للسعال وليس طارد للبلغم ولا مذيب للبلغم ماهومفيش بلغم اصلا... اصل في في الصيدليه ادويه مكتوب عليها مضاد للسعال وطارد للبلغم طب تيجي ازاي ...بالعقل لوفي بلغم هبقي محتاج سعال يطلعه مش احط مضاد سعال هو كده كده لما البلغم يخرج السعال هيقف ..ولو مفيش بلغم يبقي لزمته ايه طارد البلغم ...


النوع التاني
وهو الكحه المصحوبة ببلغم البلغم وده بيتكون عشان يحمي الرئتين من اي irritant يعني حاجه تهيج الرئتين

بس لما بيزيد بيضيق الشعب الهوائيه ويخلي المريض صدره (يزيق) ونفسه يبقي قصير العلاج بيبقي طاردات ومذيبات البلغم وليس مضادات السعال


طاردات البلغم بتزود الكحه وبتزود افرازات الرئتين ... هتقولي يعني الكحه تزيد هاقولك اصلا الكحه في الحاله دي سببها وجود البلغم يعني الكحه جت عشان تطرد البلغم برا فبالتالي الكحه دي لما تزيد يزيد خروج البلغم ..طيب وزيادة الافرازات ..هاقولك ان الادوية دي بتزود افرازات الغدد اللي موجوده في الرئتين من الماء فتقلل كثافة البلغم وتخلية اقل التصاقا وبالتالي يخرج مع الكحه 


تحذير.....
الكحه في الحاله دي حاجه مفيده لانها بتطردلي البلغم الموجود علي عكس الكحه الجافه ملهاش فايده ..يعني اللي هيدي مضاد للكحه في حاله بلغم هيتعب المريض اكتر لان البلغم هيتراكم ويقفل صدرة ...

واحد هيسال طب ومذيبات البلغم بتعمل ايه هاقولة ...ان البلغم ده عبارة عن سكر
mucopolysaccharide
والسكر ده ماسك في بعضه عن طريق روابط ... مذيبات البلغم بتكسر الروابط دي ..وبالتالي يبقي سهل خروج البلغم .. بس مذيبات البلغم مبتزودش الكحه زي طاردات البلغم .



طاردات ومذيبات البلغم مثل :
ambroxol(mucopect) , acetyl cysteine(mucosolvin) ,bromohexine(bisolvon)..


واحد عنده ازمة ربو 
ده اقل حاجه تهيجله الرئة تجيبله الازمه عشان كده في ادوية طارده للبلغم فيها ايودين I2 مينفعش تديهاله لانها بتطردالبلغم عن طريق تاثيرها المهيج ده
مريض الازمة مبياخدش مضادات سعال..بياخد مذيبات وطاردات البلغم فقط..لان الازمة عبارة عن زياده في

inflamatory mediators
لوثبطت الكحه الافرازات تزيد وتزود المشكلة .

ملحوظة هامة بخصوص الأسيتيل سيستايين   acetyl cysteine

 ممنوع للناس اللى عندهم حساسية فى صدرهم أو أزمة لأنه ممكن يقفل صدرهم لأنه من ضمن أعراضه الجانبية أنه بيعمل
bronchospasm, wheezing, precipitation of asthma

كمان الناس دية ممنوع يأخدوا مسكنات لأنها برده بتسبب زيادة الأزمة بس المسكن الوحيد الأمن معاهم هوا الباراسيتامول

طيب لو ست حامل عندها كحة
في ادوية كحه كتير عباره عن خلاصات اعشاب زي الجوافة وخلاصة البلاب زي ايفيبرونت..


الأطفال
وطبعا لو طفل صغير اقل من سنتين اوعي تديله حاجه شغاله ع المخ(ديكستروميثورفان –كودايين وكل مضادات السعال) ..اعشاب يبقي كويس قوي زي جوافة نقط وجوفكس وهيربا كف وجواسول

ولو فية بلغم في نقط بيسلفون وامبروكسول
لو مريض سكر بقا يبقي لازم تديلة دوا كحه خالي من السكر زي اولفنت  allvent

طيب في حالة ما اذا كان البلغم لونه اصفر او اخضر او كان فيه ارتفاع في درجة الحرارة يجب اضافة مضاد حيوي لان في الحاله دي يبقي فيه عدوي بكتيريه ..مضاد حيوي زي الامبيسيلين اوالاموكسيسلين ..

بعض مذيبات البلغم تستخدم في حالات العقم ..احنا قولنا بتقلل اللزوجه ..بيستخدموها بقا عشان تقلل لزوجة السائل المنوي عشان لولقيتها في روشته واتسالت استخدامها ايه في حالة عدم وجود كحه وبلغم ..

طبعا زى ما حضراتكوا عارفين أن كل أدوية الكعة ومذيبات البلغم وطارد البلغم بيتاخدوا بعد الأكل


هذه قائمة بأشهر أدوية السعال 

أوبلكس Oplex -أدية الكحة المصحوبة ببلغم

أقماع كافسيد باراسيتامول للرضع والأطفال Coughsed paracetamol

الفيولين شراب مكمل غذائى لعلاج الكحة وإذابة البلغم Alveolin Syrup

برومهكسين أقراص وشراب Bromhexine Tab and Syrup
سولفين شراب Solvin Syrup
ميوكوديل شراب مذيب للبلغم الشعبى Mucodil Syrup
ميوكلير شراب مذيب للبلغم Muclear Syrup
بيسلفون أقراص وشراب لعلاج الكحة المصحوبة ببلغم Bisolvon


ميوكوفيللين شراب موسع للشعب الهوائية ومذيب للبلغم Mucophylline Syrup
ميوكو Muco-أدوية الكحة المصحوبة بالبلغم -ambroxol 
ميوكوبكت Mucopect-أدوية الكحة المصحوبة بالبلغم -ambroxol 
بربرونكوبرو bronchopro -أدوية الكحة المصحوبة بالبلغم -ambroxol 
أمبروكسول ambroxol -أدوية الكحة المصحوبة بالبلغم -ambroxol 


هيدرو كودون Hydrocodone - أدويه السعال

ديكستروميثورفان Dextromethorphan - أدوية السعال

كودايين Codeine - أدوية السعال

هناك 51 تعليقًا:

  1. أكثر من رائع ماشاءالله حقيقى مفيد جدا جدا جدا

    ردحذف
  2. موضوع رائع ومفيد للمريض اكثر من الصيدلى .

    ردحذف
  3. رائع جدا

    ردحذف
  4. موضوع رائع

    ردحذف
  5. جزاكم الله خيرا

    ردحذف
  6. جزاك الله خير الجزاء

    ردحذف
  7. اشكركم جدا على الإيضاح بارك الله فيكم

    ردحذف
  8. جزاكم الله خير على التوضيحات

    ردحذف
  9. الموضوع جميل جدا ومفيد جزاكم الله خيرا

    ردحذف
  10. شكرا على تلك المعلومات القيمة

    ردحذف
  11. شكرا على تلك المعلومات القيمة

    ردحذف
  12. انا عندي سعال مستمر كل ثانيه سعال ناشف وانا بدخن كمان شو اعمل بدي طريقه اتخفف سعال عندي وتكون فوريه

    ردحذف
    الردود
    1. معنتش تدخن خالص

      حذف
  13. حلو جدااااااااا .. تسلم ايدك .. جزاك الله خيرا

    ردحذف
  14. طيب انا عاوزة مضاد للكحة لمريض سكر. الفنت دا طارد للبلغم وجزاك الله خيرا

    ردحذف
  15. طيب انا عاوزة مضاد للكحة لمريض سكر. الفنت دا طارد للبلغم وجزاك الله خيرا

    ردحذف
  16. جزاك الله خيرا

    ردحذف
  17. انا بكح لدرجه انى برجع كل حاجه وخدت معظم انواع دواء الكحه بس لسه تعبان لدرجه انى النفس بيتكتم ومش عارف ليه.

    ردحذف
  18. طب بعد اذنك يادكتور انا كان عندي حساسية علي صدري و خدت اسيتيل سيستاين و دا هيج عندي الكحة ببلغم جامد و مش راضية تمشي و خدت ادوية. زي برونكوتك و ميوكو و فنتولين شراب هما بيهدوها شوية و ترجع

    ردحذف
  19. شكرا على المعلومه القيمه

    ردحذف
  20. رووووووووووعه

    ردحذف
  21. جميل خالص بس كنت عايز اعرف المضاد الحيوي المناسب في حالة وجود بلغم اخض

    ردحذف
  22. اريد مضاد حيوى فى حالة وجود بلغم

    ردحذف
  23. ايه ده ياراجل وربي انت ولعه واديت الموضوع حقه بجد

    ردحذف
  24. جزاك الله كل الخير
    في ميزان حسناتك

    ردحذف
  25. ازاي التوسكان للكحه الجافه وهو فيه ماده طارده للبلغم جوايفينيزين

    ردحذف
  26. ازاى اقدر اميز الكحه الناشفه او المصحوبه ببلغم من صوتها

    ردحذف
  27. بنتى عندها ست شهور وعندها كحة مصحوبة ببلغم مش عارفة اديها دواء ايه ارجو الرد

    ردحذف
  28. بنتى عندها ست شهور وعندها كحة مصحوبة ببلغم ومش عارفة اديها ايه ارجو الرد

    ردحذف
    الردود
    1. ambroxol dps
      5 نقط بالفم كل 8 ساعات

      حذف
  29. جزاك الله خير

    ردحذف
  30. الموضوع ده جميل ومفيد جدا وخاصة علاج الكحة مع البلغم

    ردحذف
  31. ممتاز جدا بارك الله فيكم

    ردحذف
  32. يا دكتور ابني بيكح كحه عاديه من غير بلغم بتصحي الصبح تفضل متواصله معاه ربع ساعه بعد كده الكحه العاديه بقي ف اليوم ممكن ترد عليا وتقولي دا يبقي اي كحه عاديه ولا حساسيه هو عندو 9 شهور ياريت الرد من فضلك

    ردحذف
  33. بارك الله فيكم وجزاك الله خيرا

    ردحذف
  34. بارك الله فيكم

    ردحذف
  35. جزأك الله كل خير بس انا عايزه اسال هيه دي ادوية الكحه المصحوبه ببلغم كلها

    ردحذف
  36. السلام عليكم
    بارك الله فيكم وجعله في ميزان حسناتكم والله موضوع مفيد وهو بمثابة موسوعه طبيه للمنزل والعائله افضل من التخبط بالصيدليات بدون درايه بالحاله الان اصبح كلشي واضح مجرد نذهب لنشتري العلاج طبقا للشرح اعلاه
    اتمنى لكم التوفيق

    ردحذف
  37. السلام عليكم في حالة نشوف تام بالحلق مع اختناق وحساسية الحالة بسبب رائحة مواد منظفة لايوجد بلغم ولكن هناك التصاق بمجرى التنفس الحالة عاجلة شاكرين جهودكم

    ردحذف

أخبرنا ما هو رأيك فى هذا الموضوع؟؟